Teknika eta Teknologia
Joan den astean, Zapateneon, “Técnica y tecnología. Cómo conversar con un tecnolófilo” liburua aurkezteko aukera izan genuen, bai eta Adrian Almazan egilearekin ere hitz egin ahal izateko pribilegioa. Egileak, Adrian Almazan fisikari eta filosofoak, Zapateneo eta beste kolektibo batzuetako kideak, teknologiak sorkuntza sozial eta historiko bat bezala ulertzeko beharra planteatzen du, eta, beraz, gainerako sorkuntza sozial eta historikoak bezala, kritikagarriak.
Hasteko, teknika eta teknologiaren arteko bereizketa kontzeptual argia egiten du: teknikatzat gizarte ororen atributu orokor bat hartzen du, objektu teknikoak fabrikatzeko edo erabiltzeko gaitasunarekin lotzen dena, eta fabrikazio edo erabilera horri lotutako jakintzetatik bereiztezina dena. Teknologia, aldiz, gizarte moderno eta kapitalisten teknika modu berezia izango da. Ondoren, teknologiari buruz onartuta ditugun ideia oker guztien errepasoa egiten du, biologiaren, antropologiaren, historiaren, soziologiaren eta filosofiaren ikuspuntutik, ideia horiek desmuntatzeko asmoz.
Era berean, aurrerapenaren mitoa ere desmuntatzen du, gaur egun oraindik ere gure benetako egoera larria zein den ulertzea eragozten diguna. Teknologiaren ahalguztiduntasunean dugun konfiantza irrazionala dela eta kolapsora gero eta bizkorrago garamatza; erlijio berri bihurtuta, gure gaitz guztiei, baita heriotzari ere, aurre egiteko gai izango garela agintzen diguna. Teknikaren (eta teknologien) neutraltasunaren kontzepzioa erabat faltsua dela ere argudiatzen du, eta determinismo teknologikoaren edozein tentazioz ohartarazten gaitu.
Liburuaren azken atalean, Bong Joon-ho zinema zuzendari hegokorearrak sortutako “Rompenieves” trena agertzen da, kapitalismoaren metafora bikaina… eta emergentzia-balazta lehenbailehen aurkitu behar dugu! Horretarako formula magikorik ez dago. Kontua litzateke, bai, gutxiago ekoiztea, gutxiago kontsumitzea, gehiago ulertzea, gehiago partekatzea, gehiago maitatzea… elkarrekin egin behar dugun bidea.
Gaur egun, gure gizarte-mugimenduetan (eta gizartean, zabalago), teknologia partikularrei buruzko hainbat eztabaida gertatzen dira (ingeniaritza genetikoaren erabilerak, biologia sintetikoa, nanoteknologiak, geoingeniaritza, energia nuklearra, “Hidrogeno berdea” eta abar luze bat), baina sakoneko hausnarketa gutxi dugu. Liburu honek esparru kritiko bat emateko balio du, teknolofiloekin elkarrizketak hobeto bideratzeko balio dezakeena. Oso ondo dokumentatutakoa, ederki argumentatua eta erraz irakurtzeko modukoa. Digitalizazioa ezartzen ari zaizkigun garai honetan liburu guztiz beharrezkoa…
Mikel Lacalle (Zapateneo)
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
¿Quieres apoyar a Hala Bedi?
En Hala Bedi construimos un proyecto comunicativo libre, comunitario y transformador. En el día a día, cientos de personas participamos en este proyecto, observando la realidad que nos afecta y tratando de transformarla junto a los movimientos populares.
Nuestros contenidos son libres porque nadie nos dicta qué podemos publicar y qué no. Y porque difundimos estos contenidos de forma libre y gratuita, con el objetivo de difundir, compartir y transformar.
Sin halabelarris, las socias y socios que apoyan económicamente a Hala Bedi, esto no sería posible. ¡Hazte halabelarri y apoya a Hala Bedi!
