What the basque: WTB import 2
Kaixo entzule! What The Basque irratsaioaren “import” saio bat prestatu dugu gaurkoan. Zer ote da hori? Oraintxe ulertuko duzu! Audio hauek dira gaurkoan eskainitakoak:
Partekatuko dugun lehen audioa Australiako 3CR irratian egiten den saio bat da, aurrekoan jarri genuen Asia Pacific Currents eta oraingoan beraien 2017ko abenduan egin zuten azken saioa jarriko dugu, izan ere oporraldi bat hartu dute… udarako oporrak alegia 🙂 Filipinetako greba bat (emakumeak nagusiki), elkarrizketa sindikatukoari, autodeterminazioaren iragarkia Papua New Ginea inguruan… Espero dugu gustatzea!
Euskal Herrira ekarriko dugun bigarren podcasta Women on the Line irratsaiokoa izago da. Emakume beltzen argazkiez osatutako artelana aurkezten du artista feminista batek. Matriarka beltzak deitzen die artistak emakumeoi… Matriarkak zergatik diren galdetzen diotenean, erantzuna da komunitateko ezagutzen trasnmisioaz arduratu direla emakumeok… Feminismo dekolonialetik dator artista hau, feminismoen irakurketa aberatsa egiten du…
Bestalde, bukatzeko, bi kapsula hauek ere entzungo ditugu:
TRTworld: Ellen Johnson Sirleaf’s Liberia legacy
Gondwana Collection Namibia: Trump – “S**thole Countries” – shithole statement by NAMIBIA
Hori izan da gaurko saioa, gogoratu munduan zehar ingelesez egiten diren irratsaio interesgarrien bila gabiltzala, eta baten bat ezagutuko bazenu, pila bat eskertuko genuke abisua ematea.
Email bat bidali dezakezu whatthebasque@gmail.com helbidera. Tuiterren ere eskura gauzkazu: @halabediWTB
Beraz, ingelesez egiten duten eta eduki potenteak sortzen dituzten lagun errusiarrak, HegoAfrikarrak… edozein txokotako uhin piratak topatzen badituzu, esango diguzu entzule! Datorren asteartean (19:00-20:00) izango gaituzu uhinetan berriro. Eman play beheko podcast horri eta espero dugu gustatzea, gozatu eta aste on pasa!
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
