O no será-Edo ez da izango: LGTBIQ+ zahartzaroa
Saio honetan batzuetan burura etorri eta askotan hitz egin izan ditugun bi gai nagusi ekarri nahi izan ditugu estudioetara. Zeintzuk diren? Zahartzaroa eta heriotza alegia.
Fase honetan sartzerakoan zer? Ereduak ditugu? Zeintzuk? Balio zaizkigu? Bai, ez, agian? Zergatik?
Normatik at dauden beste identitate batzuetatik biziko baditugu zer da espero duguna? Eta batez ere nola ikusten dugu panorama edo nola eraikiko genituzke esparru eroso hauek?
LGTBIQ+ komunitatearen parte garenon errealitatea are ezezagunagoa da.
Eta guzti honi buruz hausnartzeko bi kide, lagun ditugun bi pertsonekin hitz egiteko aukera izan dugu Kim Pérez eta Laura Bugalho aktibistak.
Dokumentalak:
“Los invisibles” (2012, de Sébastien Lifshitz), 70 urtetik gorako adineko pertsona homosexualak elkarrizketatzea, argi eta garbi hitz egiten baitute beren bizitza aitzindariei buruz eta Frantzian armairutik at bizitzeko erabaki ausartari buruz, gizarteak oraindik baztertzen zituenean egin baitzuten.
“Las ventanas abiertas” (2015, de Michèle Massé) 70 urte inguruko lau emakume lesbianei jarraituz, Madrilen eta Parisen beren beldurrak, desioak, ezberdintasunak, pertsona aktibo bezala edo aktibista gisa kontatzen dituztenak ekarriko ditugu gurera. Ez dute etsi nahi denboraren joanean, ez dute alde batera utzi nahi beren adina, eta tabuez harago, iraganeko eta oraingo maitasunak ekartzen dituzte gogora, beren maitasun eta sexu bizitza ez delako amaitu.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
