O no será-Edo ez da izango: Indarkeria matxistaren aurrean, dena esanda dago eta dena egitear oraindik
Azaroaren 25a izanda, Gasteizko Mugimendu Feministako kideak diren Izaro Arbe, Aitziber Romero eta Alejandra Codesal izan ditugu gurean.
Iturria: Halabideo/ 2019ko azaroaren 25a Gasteizen.
Berriro ere azaroaren 25a heldu da eta feminismoaren ikuspegitik, oraindik ere, hamaika gauza daude aldatzeko eta lantzeko. Aurtengo Euskal Herriko Mugimendu Feministaren deialdien leloak hori bera aldarrikatzen zuen: “Dena esanda dago. Todo por hacer”. Indarkeria matxistek gure bizitzak arlo guztietatik gurutzatzen jarraitzen baitituzte.
Horregatik, aste honetako azaroaren 25eko saiora, Indarkeria Matxistaren Kontrako Eguneko saio honetara, indarkerien inguruko hausnarketa eta horiei aurre egiteko erremintak ekarri nahi izan ditugu. Azaroaren 25aren jatorria testuinguruan jarri ondoren, Gasteizko Mugimendu Feministako protokolo lantaldeko kideak diren Aitziber Romero eta Alejandra Codesal elkarrizketatu ditugu. Beraiekin azaroaren 25eko balorazioa, irakurketa, leloa, protokoloa eta proposamenak aztertu ditugu, besteak beste. Ondoren Izaro Arbe, Euskal Herriko Neska* Gazteak sareko kidea, izan dugu gurean. Berarekin Euskal Herriko neska* gazteen saretzearen eta autodefentsa feministaren inguruan mintzatu gara.
Saioa girotzeko, Azaroaren 25eko Gasteizko Mugimendu Feministaren irakurketa entzun dugu eta ondoren Pottors ta Klittoren Autodefentsa Feminista, Napoka Iriaren Kontra eta Itxaro Borda eta Ekhi Vegasen Milia Lasturko abestiak entzun ditugu. Azken biak 2013an egindako “Eten” tratu txarren aurkako bilduman barnebilduta daude.
-
O no será-Edo ez da izango: Indarkeria matxistaren aurrean, dena esanda dago eta dena egitear oraindik??:??:??
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
