Hiru kortxea: HIRU KORTXEA: JOSEBA B. LENOIR eta bere “Instroak Vol.3”
Duela urte batzuk ekin zion Joseba Baleztenak “Instroak” izeneko instrumental sailari, eta 2019 urte amaieran kaleratu zuen hirugarren bolumena. Azken lan hau berezia da, izan ere Larraitz Zuazoren “Bai, bagara!” dokumentalerako soinu banda izateko sortua izan da. 2021 honetan banda osatu (Joseba B. Lenoir Gang) eta abestiak publikoaren aurrean aurkezteko 6 kontzertuko bira antolatu du. Aitzaki horrekin hurbildu dugu irratira eta biraz, azkenengo lanaz eta beste hainbat kontuetaz egon gara solasean. Gurekin izan dira ere Ibil Bedi, Labana, RÜdiger eta Konpost.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
