Erraietatik: “Espresio kultural ezberdinen bitartez zapalkuntzak eta talkak esplizitatu behar dira”
ERRAIETATIK irratsaioaren azken atal honetan, Gasteizko zein Euskal Herriko euskarazko rap eszenara begira jarri gara, Martin Ziarrusta Ziakhus ume basatiarekin, kaleratu berri duen Asteroide Batzuk diskaren harira.
Ziakhusen maskarari agur esan ostean, bidea egiten jarraitzen du gazte hau, eta bere ibilbidea, bere musika, bere mezua eta inguratzen gaituen panorama kultural eta musikala hizpide izan ditugu berarekin.
Aspaldiko laguna dugu Ziakhus Hala Bedi irratian. Izan ere, 2017. urtean Squat Kapitala kanta eta bideoklipa sortu zituen HALABEDITARAP saioaren bigarren atalean. Eta Markes Iraizozekin solasean ere izan zen beste batean. Urte berean, bere lehen lana kaleratu zuen: Propedeutika (2017). Honen ostean, Abdukzioa iritsi zen, 2018ko apirilean.
Oraingoan, bi urteko ibilbide frenetikoak eskeini dion heldutasun musikalaz eta asteroide baten gisara kolpatzen duen lirikaz baliatuta, diska berria (Asteroide Batzuk) aurkeztera hurbildu da Hala Bediko ume basation txokora.
-
Erraietatik: "Espresio kultural ezberdinen bitartez zapalkuntzak eta talkak esplizitatu behar dira"??:??:??
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
