Erraietatik: ERRAIETATIK vol. II | Lapikoa borborka, 80ko hamarkada Euskal Herrian
‘Movimiento de Resistencia. Años 80 en Euskal Herria. Contexto, crisis y punk’ (Jakue Pascual / Txalaparta)
Bigarren pauso bat eman du Erraietatik irratsaio berriak eta bigarren pauso honek 80ko hamarkadara eraman gaitu. Akaso Euskal Herriko eztanda kontrakultural bortitzena bizi zen hamarkada mitiko honetan, eta honetara hurbiltzeko ahalegina egin dugu.
‘Operación Ogro’ (Gillo Pontecorvo, 1969)
Azaroaren 21era arte, ‘JULHN E27. Amaierarik gabeko ibilbidea’ argazki erakusketa Orbain Kultur Elkartean (Juan Antonio Cortés, “Juanillo”)
Lehenik eta behin, Jakue Pascualengana jo dugu bere azken liburuaren inguruan hitz egiteko: ‘Movimiento de resistencia. Años 80 en Euskal Herria. Contexto, crisis y punk’. Saiakera honetan Jakuek 80ko hamarkadan sortu eta garatu egin zen ‘gazte erresistentzia mugimendua’ aztertzen du:
Jakue Pascual: «El movimiento de resistencia juvenil de los 80 era muy heterogéneo, y el punk una de sus expresiones»
Saioarekin jarraitzeko, zinema eta Euskal Herriko gatazka politikoaren arteko harremana aztertzeko, atal desberdinak izango dituen saila estreinatu dugu. Gaurkoan, 70ko hamarkadara atzera egin eta ‘Operación Ogro’ (Gillo Pontecorvo, 1979) pelikula ospetsua izan dugu ardatz.
Saioarekin amaitzeko, Juan Antonio Cortés-ekin hitzordua izan dugu. ‘Juanillo’ argazkilaria da eta egunotan Orbain Kultur Elkartean ikusgai dagoen argazki-erakusketaren egilea da: ‘Amaierarik gabeko ibilbidea’. Erakusketa ‘JULHN E27’ omenaldiaren hainbat momentu erakusten ditu.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
