Erraietatik: ERRAIETATIK vol. 51 | Arrosa hilezkorra
1919ko urtarrileko 14ean Rosa Luxemburg, Karl Liebknecht eta beste dozenaka militante komunista hil zituzten Berlinen. 100 urte ondoren, kapitalismoak Rotten XIIIko baxujole Jabiren bizitza eramandu lan-istripu baten ondorioz. 1919eko eta bai 2019eko iraultzaile, langile eta ume basati hilezkorren omenez ondu dugu aste honetako ERRAIETATIKeko irratsaioa.
Aipatu bezala, Sozialdemokraten zuzendaritzapean ziharduten Freikorps talde paramilitarrek bahitu eta erail zituzten Rosa Luxenburg eta urtarrileko altxamendu espartakistan parte hartu zuten komunistak. Honekin, ordena gailendu zen Berlinen eta piztutako iraultza sozialista erradikala itzali.
Mendeurren triste hau aitzaki, Katakrakek 2018aren amaieran kaleratutako Rosa 
Luxemburgek «Kartzelako gutunak Sophie Liebknechti» liburua mintzagai izan dugu irratsaioan. Amaia Lasa idazleak itzuli ditu eskutitzak eta itzulatzaileak berak egindako hitzaurrea, Ignazio Aiestaranen hitzostea eta Luxemburgen «Ordena gailendu da Berlinen» testamendu politikoa ere biltzen ditu edizio honek. Guzti honen inguruan hitzegin dugu Hedoi Etxarterekin, Katakrakeko militantea.
Hedoi Etxarte: «Luxenburgen bizitzeko grina datozen garai latzetarako erregaia da»
Ostean Gindi gerturatu da Hala Bediko estudioetara. Hilabetero izaten dugu No Hay Pasado irratsaioaren zuzendaria gurean kolaborazioa egiteko. 1999. urteko bitxikeria musikalak izaten ditu hizpide eta aste honetan Etsaiak euskal talde mitikoaren Askatasun Taupada diska ekarri du eskuartean.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
