Nork elikatuko gaitu?
Egun hauetan Glasgow bero-bero dago.
Teorian mundo osoko agintariak biltzen dira planeta hozteko, vaina badirudi irtenbidea urrun dagoela. Eta Glasgowk, hoztu beharrean, planeta berotzen du, baita krisi klimatikoa konpontzea premiazkoa dela argi dugunon pazientzia ere.
Iristen diren proposamenak irtenbide faltsuak dira. Konponbide faltsuak irudikatzen dituzten irudien artean, ikusi ahal izan dugu “robot bat marrubiak biztzen!”. Energiaren eta osagaien krisia agerikoa denean, soluzioaren irudia robot bat da. Itsukeria ala zinismoa? Interes batzuen iraunkortasunerako irtenbidea da, vaina gure benetako beharrari begiratzetik asko urruntzen gaitu. Bizitzei eusteko, lurraldeei eusteko eta landa-ingurune biziari eusteko beharretatik urrun. Larrialdia nabaria denean, eredu eta interés kapitalistek elkarengana areago bildu dira, euren burua babesteko.
Robotek kartel argitsu gisa jokatzen dute, aldi berean gidatu eta itsutzen dute; eta, batera liluratzen duten bitartean, ez dituzte benetako arazoa eta konponbideak ikusten uzten. Enpresek beren negozioa babestu nahi dute, eta gobernuek, enpresekin partekatutako interesekin, munduko merkatua erdigunean hartzen dute, gaur egun planeta zainduz gu elikatzeko gai direnak alde batera utzita.
Nahiz eta batzuetan hala iruditu, kaltetuak ez daude beti urrutiko lurretan, gu geu ere bagara. Gure lurraldean, urtaroak aldatu egiten dira, eta zelaiek pixkanaka beren ohiturak egokitzen dituzte. Soluzio faltsuak, tomatezko mega-negutegi moduan etortzen dira. Mega-negutegi horiek marrubien robotaren ikaskide dira. Hirian, enpresek gelditu egin behar dute hornikuntza faltagatik. Planetak nahikoa dela oihukatzen du; entzutea eta norabidea aldatzeko garaia da!
Horretarako ezinezkoa da beharrezko erantzunak aurkitzea galdera egokiak egiten ez badira. Galdera ez da nola eutsi merkatuari, baizik eta nola eutsi guztion bizitzari. Galdera ez da nola salbatu batzuen interesak, baizik eta nola babestu gure lurralde eta ondasun komunak, lurra, ura, haziak eta mendeetan zehar elikatu gaituzten ezagutzak. Azken batean, galdera da nork elikatuko gaitu irtenbide faltsu horiek martxan jartzen badira?
Isa Alvarez
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
