Araba Maitea
Azkeneko hamarkadetan eraso bortitzak jasan dituzu, baino orain datorrena askoz latzagoa izan daiteke. Zure paisaia, zure natura eta zure izaera arrisku bizian daude. Zure mendi gehienak eoliko erraldoiekin suntsitu nahi dituzte, milaka hektarea lursail plaka fotoboltaikoekin estali nahi dizkizute, gaur egungo trenbidea egokitu ordez, AHTrako trenbide berri bat eraiki nahi dute, Barronen urtegi bat eta 200 hektarea negutegi jarri nahi dizkizute, industriagune berriak nonahi, Zanbrana eta Briñas artean autobia bat autopista baten ondoan, Aiaraldean eukalipto pila bat landatzen ari dira…
Kolpe asko dira, guztiak batera datozenak, herrietan bizi den jende gutxiren artean gelditu ahal izateko. Guztion artean empresa eta jauntxo txikitzaileak gelditu eta desaktibatu behar ditugu. Aldi berean, beste bizimodu bat eraiki behar dugu. Proposatzen digutena ez delako bizitza, heriotza besterik ez da.
Agur!!!
Iñigo Leza
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
