Iragan urriaren 4an Espainiako Diputatuen Kongresuan antisionismoa antisemitismoarekin parekatzen duen Lege Proposamena aurkeztu zen. Aurrera aterako balitz, legeak antisemitismotzat hartuko lituzke Israelgo politika genoziden aurkako edozein kritika, edo apartheid erregimenaren aurkako edozein boikot dei. Proposamena PP eta VOX alderdiek aurkeztu zuten eta PSOEren sostengu parlamentarioa ere izan zuen, eta gauzatuko balitz, Palestinarekiko elkartasun mugimendua kriminalizatzeko oinarriak ezarriko lituzke espainiar estatuan. Ekimen parlamentario hau aztertzeko Santiago Gonzalez Vallejo izan dugu gonbidatuta Uhintifadako mikrofonootan. Gonzalez Vallejo ekonomilaria da eta Comite de Solidaridad con la Causa Arabe erakundeko kidea.

Bere jardunean azaldu du lege proposamen horren edukia. Argitu du proposamenaren testuan Holokaustoaren Oroimenerako Nazioarteko Itunak (IHRA) bultzatutako antisemitismoaren definizioa hartzen dela ontzat, eta definizio horrek sartzen dituela adibideen artean sionismoaren aurkako kritikak eta Israelgo estatuaren interesen aurkako jarduera politikoak. Proposatu du definizio alternatiboa izan litekeela Jerusalemeko Adierazpenak sustatu zuena, logikari lotuagoa delako. Adierazi du BDZ mugimendua (Israelgo apartheidaren aurkako Boikot, Desinbertsioak eta Zigorrak) definizio horretatik kanpo gelditu beharko litzatekeela, izan ere, mugimendu horrek ez du zuzentzen bere jarduna jatorri erlijioso edo etniko zehatz bateko pertsonen kontra, baizik eta apartheid erregimeneko ordezkari instituzionalen kontra. Bestetik, azaldu du zein diren IHRAren atzean ezkutzatzen diren interesak. Kontatu digu, halaber, zein den egoera beste herrialde batzuetan, besteak beste, AEBetan eta Frantzian, izan ere, bertan indarrean daude Israelen aurkako boikot mugimendua kriminalizatzen duten legediak. Zentzu horretan argitu du Estrasburgoko Auzitegiaren ebazpen batek zilegitzat hartu dituela Israelen eta sionismoaren aurkako kritikak, eta antisemitismoarekiko lotura ukatu duela. Haren esanetan, dela utzikeria ideologikotik dela ezjakintasunagatik, zenbait alderdik onartu egin dute bidea ematea Lege Proposamen honi, baina horrek ez du esan nahi behin betiko onartu denik, eta onartzekotan, onartuko den testua ez da izango hasieran proposatu zena.

Beste aldetik, kontatu digu Eusko Jaurlaritzak CAF trenbide konpainian zuen diru parte-hartze publikoa handitu egin duela, eta igoera hori konpainia nazioarteko legedia urratuz Jerusalemen eraikitzen ari den tranbiaren proiektuarekin bat datorrela, eta horren kontura galdera parlamentario bat aurkeztu dela Eusko Legebiltzarrean. Haren ustez, Eusko Jaurlaritza akats politiko eta juridikoa egiten ari da CAFeko akzioen parte-hartzea justifikatzeko argudiabidean; izan ere; Nazioarteko Zuzenbideak, konpainia pribatuak ez bezala, erakunde publikoak behartu egiten ditu.

Hala Bedi babestu nahi duzu?

Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.

Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.

Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!

¿Quieres apoyar a Hala Bedi?

En Hala Bedi construimos un proyecto comunicativo libre, comunitario y transformador. En el día a día, cientos de personas participamos en este proyecto, observando la realidad que nos afecta y tratando de transformarla junto a los movimientos populares.

Nuestros contenidos son libres porque nadie nos dicta qué podemos publicar y qué no. Y porque difundimos estos contenidos de forma libre y gratuita, con el objetivo de difundir, compartir y transformar.

Sin halabelarris, las socias y socios que apoyan económicamente a Hala Bedi, esto no sería posible. ¡Hazte halabelarri y apoya a Hala Bedi!