Gasteizko Mariturri auzoko 96 etxebizitzetako maizterrek La Caixaren eta Farley inbertsio-funtsaren gehiegikeriak salatu dituzte. 2023tik Etxebizitza Sindikatu Sozialistarekin batera antolatzen ari dira, eta 2025ean auzitara jo zuten. Bizilagunek etxebizitzarako eskubidea aldarrikatu dute.
Espainiar Estatuko Fiskaltza Nagusiaren babesarekin abiatu du prozedura Arabako Fiskaltzak. Bere esanetan, 1976ko martxoaren 3ko biktimen aitortza eta erreparazioan aurrera egiteko bidea irekitzea du helburu. Martxoak 3 elkarteak adierazi du beren aldarrikapenak haratago badoaz ere ”ongi etorria” litzatekeela “egia judiziala”.
Trebiñuko Enklabea osatzen duten bi udalek atzo onartu zuten Espainiako Gobernuari Araban integratzeko galdeketa egiteko herri kontsultarako baimena eskatzea.
Kaleratzea urriaren 23rako aurreikusita dago, eta familiak ez du bizitoki-alternatibarik. Etxebizitza Sindikatu Sozialistak Gasteizko Udalaren jarrera salatu du, eta hainbat mobilizazio deitu ditu kaleratzea geldiarazteko.
Egun osoko egitaraua prestatu dute Judimendi auzoko espazioaren 10. urteurrenean. Mahai-ingurua, bazkaria, kalejira eta kontzertuak prestatu dituzte urteurren borobilerako.
Astearte goizean egin dute erregistroa LAB, ELA, ESK, Steilas, Etxalde eta Hiru sindikatuek, Euskal Herriko Etxebizitza Sindikatuen Sareak eta Etxebizitza Sindikatu Sozialistak. Beraien erranetan, azaroaren 11ko grebak “Euskal Herritik Euskal Herriarentzat” deialdia izan behar du. Deialdi bateratua lantzen ari direla erran dute.
Irailean hasi zuten “Faxismoaren eta espainolismoaren aurrean, ikasleok desobedientzia!” lemapean, urriaren 12ra begirako dinamika ikasleek. Faxismoaren gorakada eta espainolismoaren normalizazio gero eta handiagoa salatu dute hispanitate egunean ikastetxeetan bilduz.
Ikurrinak, oihal gorriak eta amnistiaren aldeko banderak soinean, Aske Antolakundeak manifestazio bat egin du gaur Gasteizen. Asimilazioaren eta indar errepresiboen aurka mobilizatu dira gaur, urriak 12, “hispanitatearen egunean”.
Eguerdiko hirurak aldera berriro ere gerturatu dira ertzainak La Juani bloke okupatura. Oraingoan, aitzakia, goizean desalojatu duten etxean alarma bat ipintzera etorri den teknikoari sarrera bermatzea izan da.
La Juaniren atean hiru txerritxo marraztuta daude, baina oraingoan ez da otsorik agertu. Poliziak etorri dira desalojoa gauzatzera. Poliziek bigarren pisua hustu duten arren, garaipen zantsuekin bukatu den desalojoa izan da. Izan ere, La Juanik, Judimendin jarraituko du.
Les Bobé Bobé antzerki taldeak Sukharte jaialdia antolatu du. Ekimenak arte eszenikoak eta buru ongizatea uztartuko ditu, eta urriaren 9tik 18ra bitartean hainbat jarduera antolatu dituzte Gasteizko txoko ezberdinetan.
Datorren urriaren 12an, Hispanitatearen Egunean, manifestazioa deitu du Aske Antolakundeak Gasteizen, “Asimilazioa borrokatu, indar errepresiboak suntsitu” lemapean. Manifestazioaz hitz egin dugu Askeko kideekin.
EHU Palestina taldeak elkarretaratzea egin du gaur Arabako campuseko errektoreordetzaren aurrean. EHUri Israel eta CAFekiko dituen harremanak eteteko exijitu diote.
Txago ekimena 2021an Gipuzkoan sortutako taldea da, eta estatu indarkeriaren erregistroa dokumentatzea du helburu: indarkeria poliziala jaso, gorde eta zabaltzeko tresna gisa aurkezten du bere burua. Polizia indarkeriaren 2025eko urteko txostena, Karrikaratu txostenaren hirugarren lana, aurkeztu zuten Errekaleorren joan den irailean.
2018 Gure eduki guztiak Creative Commons Aitortu 4.0 Nazioartekoa Baimen baten mende daude.
