Hiketaldi berri honetan software askea hizpide izango dinagu gertuko perspektiba batetik. Hasteko, gurekin Ilargi izan dinagu, Hala Bediko teknikaria. Google, Amazon, Facebook, Apple, Microsoft (GAFAM, lagun eta arerioentzat) eta besteen rolaz jardungo dinagu, baita teknologia burujabetzari buruz gogoeta egiteko garrantziaz ere. Horrez gain, gaurko saioa erraz erabil daitezkeen software askeko adibideez zipriztinduta zagon. Hona hemen haietako batzuk:

Euskal Herriko software askeko komunitatea: librezale.eus
Iragarki blokeatzailea: adnauseam.io
Dokumentuak editatu/partekatzeko: cryptpad.fr
Email zerbitzuak: autistici.org, posteo.de, protonmail.com
Sistema eragileak: Linux Mint, Fedora, Manjaro, Ubuntu…
Internet bilatzailea. duckduckgo.com

Hiketan saioaren bederatzigarren atalean Maddalen Subijana Puelles gonbidatu dinagu gentrifikazioaren inguruan hitz egiteko. Gasteiztarrak Berlingo gentrifikazioa nola hasi zen kontatu zigun, eta baita gaur egungo erronkak zeintzuk ditunan ere. Saioaren amaieran Diegok Tenerifeko toponimiari buruzko bitxikeriak kontatu ditin. Ez galdu!

Igaro ditun zenbait egun lurrikara latza gertatu zenetik, baina lurrikaraz baino, Kurdistanez arituko gaitun atal honen bigarren partean. Horretarako, gonbidatu berezi bat izan dinagu, Ane.
Zinemari ere eskaini zionagu tartetxoa irratsaioaren hasieran; oraingo honetan, Haneke zuzendariaren filmak izan dizkinagu hizpide. Gozatu zank!

Berandu gabiltzank, aspaldi igo beharreko saioa hunan hau, sentitzen dinagu.

Saio honetan, Jon Hidalgo Hizpideako aurkezle ohiarekin hitz egin geninan irratiaren kontu askori buruz: nola hasi zunan Hala Bedi, nola hasi zunan bera bertan lanean, zein izan denk egindako elkarrizketarik interesgarriena eta abar. Gero, Hertzainak eta Urtaranen arteko amodiozko erlazioari buruz ere bere iritzi jakintsua eman dink Jonek.

Azkenik, Elixabetek hirusta gorria nola erabili zezakenagun azaldu zigunk.

Zergatik egiten dugu lo gauez? Zergatik da gosaria eguneko otordurik garrantzitsuena? Melatoninaren eta kortisolaren garrantziaz mintzatu zaigun Goretti.

Sendabelarrei buruzko atal berria estreinatu dinagu bigarren atal honetan. Badakin zer bildu udazkenean basoan onddoez gain? Astalarrosa koordenadarik gabe ere topatuko dun, eta probetxugarria dun. Gehiago jakin nahi al dun?

Diego Pallés gasteiztarra gonbidatu dinagu El Salvadorri buruz hitz egiteko; izan ere, pasa den uztailean SETEM gobernuz kanpoko erakundearekin egon zunan bertan.

Euskarari buruzko zertzeladak. Honako hau ulertzeko gai al haiz?

For you malagisona
Normandia txabe handia.
Sunbat galtsardia for.
For mi presenta for you biskusa eta sagarduna.

Gaurkoan, Ander Aranburu, nazioarteko analista eta Geopolitikaz ikerketa-taldeko kidea, gurean izan dinagu Ukrainako gatazkaren jatorriak aztertzeko. Bestalde, argitaratu berri duten liburuari buruz mintzatu zaigun.

Gabon, entzule! Barnetegi ibiltaria zertan datzan jakin nahi den? Oskar Goldaraz gonbidatu dinagu horretarako. Plan ederra den udako oporrak pasatzeko! Eta hire etxeko armairuko gailetak zer moduzkoak ditun? Aspaldiko partez gai potolo honi heldu zionagu. Gaileten 3. rankinga dagoeneko uhinetan daukan!