2024ko laneko ezbeharren txostena aurkeztu dute LAB • ESK • STEILAS • EHNE-etxalde eta HIRU sindikatuek aurtengo otsailean. Emaitza larriak bildu dituzte: geroz eta behargin gehiago hiltzen dira haien lanpostuetan.

Etxebizitza Sindikatu Sozialistako lau kidek, etxegabetze bati aurre egiteagatik lau urte eta erdiko kartzela-zigor eskaerei eta 25.000 euroko isun posibleei aurre egin beharko diote. Egoera salatzeko eta elkartasuna adierazteko elkarretaratzera deitu dute otsailaren 21ean, lau kideak epaituko dituzten egunean bertan, goizeko 10:30etan Gasteizko Epaitegietan.

Eskola segregatua izan da Gasteizko Judimendi ikastetxe publikoa, hiri guztiko ikasleak hartu ditu, jatorri atzerritarreko familien seme-alabak. Baina A hizkuntza eredutik D eredura igarotzeaz gain, auzoak eskola bere sentitzeko eta auzoko familiak erakartzeko egindako prozesuari esker, panoramari buelta ematea lortzen ari dira: ikasturte honetan matrikulatu diren haur berriak auzokoak dira, kasik erdiek euskara dute etxeko hizkuntza eta gainerako umeak jatorri atzerritarreko familiatakoak dira. 

Steilas eta ELA sindikatuen babesik gabe, 16 urteren ostean LAB eta Eusko Jaurlaitza ados jarri dira eta Haurreskolen Partzuergoko hitzarmena sinatu dute.

Gasteizkoak talde antimilitaristak argitaratu berri duten liburuan, “Armagintza industriaren moldaketa Euskal Herrian, gerra gehiago ez sortzeko”, Hego Euskal Herrian lobby armamentistikorik aurkitu ez zela adierazi eta gutxira, Zedarriak foroa aurkeztu zuten Bilbon. “Europako beste lobbyen funtzionamendu berbera du Zedarriak foroak.” Hamasei pertsonek osatzen dute foroa, haietatik hamarrek armagintzarekin harreman zuzena duten enpresariak dira. Gobernuz Kanpoko Erakundeetako (GKE) kideak eta arlo kulturaleko beste zenbaitek ere parte hartzen dute.

Erroldarik ez izanik ez plataformatik publiko egin berri dituzte Gasteizko Udalaren bi barne dokumentu. Dokumentu hauek “legez kanpokoak” izateaz gain “gehien behar dutenei errolda ukatzeko erremintak” direla salatu dute.