Gasteizko gazte musikariak Gazte Karpako “oholtzara” igoko dira berriz
YouTube bidezko musika emanaldia antolatu du Gazte Karpak maiatzaren 9rako, larunbata. Gasteizko gazte-eszenako proiektu musikalak ezagutaraztea dute ekimenaren helburu.
Gazte Karpak, Gasteizko Txosnetako gazte mugimenduaren karpak, eta hiriko hainbat gazte musikarik internet bidezko emanaldia antolatu dute elkarlanean. Bihar, maiatzak 9, arratsaldeko 19:00etan gazte musika talde eta bakarlariek ekoiztutako musika-saioa eskainiko dute zuzenean YouTuben, Gazte Karparen kanalean.
Covid-19 birusak sortutako egoerak “gazte musikariengan nola ari den eragiten ikusita” erabaki dute ekimena martxan jartzea. Gasteizko gazte-eszenako proiektu musikalak ezagutaraztea dute helburu.
Aspaldiko! 👋
Plan ezinhobe batekin gatoz. Gasteizko hainbat gazte musikarirekin elkarlanean emanaldi bat antolatu dugu. Mezua argia da: Gasteizko gazte musikarien eszena ezagutu, zabaldu eta gozatu.
Ez galdu artista gazte hauek ezagutzeko aukera! 💪 pic.twitter.com/85IBWADQIu
— Gazte Karpa (@GazteKarpa) May 7, 2020
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
