Etxegabetze bat atzeratzea lortu du Gasteizko Etxebizitza Sindikatu Sozialistak
Ostegunean zegoen ezarrita desalojoa Gasteizko Alde Zaharrean. Sindikatuaren "gaitasun antolatuei esker" kaleratze data atzeratzea lortu da.
Datorren ostegunean, abenduaren lauan, Alde Zaharreko Zapatari kalean bizi den familia zaurgarri bat etxegabetzeko asmoa zuen Gasteizko Udalak. Desalojoa baino bi egun lehenago lortu du Etxebizitza Sindikatu Sozialistak etxegabetze data atzeratzea, “etxebizitzaren arazoa pairatzen dugunon artean antolatzeak ematen dizkigun gaitasunei esker”. Sindikatuak salatu duenez udalak ez dio bizileku irtenbide iraunkorrik eskaini familiari, eta bizi izan duen ziurgabetasun eta antsietate egoera azpimarratu dute. Desalojoa atzeratu den arren, momentuz ez da bertan behera gelditu.
Martxoan udalak hiru kaleratze espediente ireki zituela ohartarazi zuten. Lehenengoa, apirilaren 23rako zegoen ezarrita, baina Sindikatuak atzeratzea lortu zuen. Bigarren kaleratzea ekainaren hemeretzirako zegoen deituta, eta hiru egun lehenago familiak etxea utzi zuen, bizitoki alternatibarik jasoko ez zuen mehatxupean. Aste honetan ezarrita zegoen hirugarren desalojoa, eta bi egun lehenago atzeratzea lortu du Etxebizitza Sindikatuak.
Udal gobernua etxegabetze horiek justifikatzen saiatu da, “hustutako etxebizitzek behin hutsik daudenean erabilera soziala izango dutela” esanez. Hala ere, azken etxegabetzea egin eta sei hilabetera etxebizitzak hutsik jarraitzen du. Sindikatuak salatu duenez, “erakundeen diskurtsoaren eta benetako praktikaren artean kontraesan nabarmena dago”.
Etxebizitza Sindikatu Sozialistak etxegabetze guztiak behin betirako gelditzea eskatu du eta premiazko neurriak egoera okerrenean daudenak babestera bideratu behar direla adierazi du.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
¿Quieres apoyar a Hala Bedi?
En Hala Bedi construimos un proyecto comunicativo libre, comunitario y transformador. En el día a día, cientos de personas participamos en este proyecto, observando la realidad que nos afecta y tratando de transformarla junto a los movimientos populares.
Nuestros contenidos son libres porque nadie nos dicta qué podemos publicar y qué no. Y porque difundimos estos contenidos de forma libre y gratuita, con el objetivo de difundir, compartir y transformar.
Sin halabelarris, las socias y socios que apoyan económicamente a Hala Bedi, esto no sería posible. ¡Hazte halabelarri y apoya a Hala Bedi!
