EAEko Hezkuntzako langileen %60k bat egin du LAB, STEILAS eta ELAk deitutako grebarekin, sindikatuen datuen arabera. Haurreskoletan eta Haur Hezkuntza eta Lehen Hezkuntzan izan du grebak jarraipena, batez ere.

Martxoaren 24ko ikasle grebako piketeen harira atxiki zituen bi gazteak Ertzainak. Aitzakia horrekin, gerora, kalez jantzitako poliziek jazarri dituzte modu jarraituan: telefono bidez eta haien etxe ingurura bertaratuta. Mugimendu Sozialistako militantziari buruzko informazioa emateko etengabeko presioa salatu dute.

1.954 milioi euro gutxiagoko kostua izango luke abiadura handiak baino. Arabako, Nafarroako eta Burgoseko Tren Publiko eta Sozialaren Aldeko Plataformek bultzatuta, ingeniari talde batek urtebetez egin du lan “teknikoki bideragarria izango den soluzio bat” emateko, egungo trenbide korridorean oinarrituta.

“Nazkatuta gaude urtero salaketa eta aldarri berdinak egiteaz, indarkeria matxistak bere horretan jarraitzen duen bitartean”, salatu dute Mugimendu Feministako kideek. Horrez gain, argi utzi nahi izan dute soilik borrokaz, saretzeaz eta antolakuntzaz posible dela aurrera egitea eta indarkeriarik gabeko bizitzak erdigunean jartzea.