Mediterraneoa eta Atlantikoa “munduko hobi komun handiena” bihurtu dituzten politikak salatu dituzte Duintasunaren Martxan
Tarajalen orain dela zazpi urte emandako sarraskiaren urteurrenean, Ongi Etorri Errefuxiatuak deituta dozenaka lagun bildu ziren Gasteizen, bertako instituzioei ere eskaera zehatzak helaraziz.
2014ko otsailaren 5ean gomazko piloten eta gas negar-eragileen bidez Tarajalen (Andaluzia) hil zituzten pertsonak oroitzeko martxa egin zuten zazpigarren urteurrenean Gasteizen. Cadizko Probintzia Auzitegiak ikertutako guardia zibilek ez zutela deliturik egin adierazten duen arrazoiaren artxiboa agindu ostean, Auzitegi Gorenean ebatzi beharreko erabaki horren aurkako errekurtsoa tramitatzeko dago oraindik.
“Haien heriotza-politiken aurrean, guk oroimena lantzen dugu, bizitza defendatzen dugu eta eskubideak eskatzen ditugu”, aldarrikatu zuten asteburuan Andra Mari Zuriaren plazan egindako elkarretaratzean. Bertan gaitzetsi zutenez, Mediterraneo eta Atlantiko itsasoak “munduko hobi komun handiena” dira, izan ere, Caminando Fronteras-en arabera, biktimen %95a itsasoan desagertzen dira, gorpuak berreskuratu gabe.
Horregatik guztiagatik, mugetako biktimei justizia ematen dien konponketa- eta oroimen-prozesua egitea aldarrikatu du OEE Araba-k, migratzaile eta errefuxiatu guztien duintasuna errespetatuz. Horretarako, bide seguruak bermatzea aldarrikatu zuten, baita hemeno instituzioei ere: “Eusko Jaurlaritzari, hiru Foru Aldundiei, Udalei eta Euskal erakunde publikoei bidezko politikak bultzatzeko dei egiten diegu, harrera-programetatik egiten diren praktika paternalistak eta haur-begirada ezabatuz”, ondorioztatu zuten.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
