Zezenketarik ez 2018an Gasteizen
Gasteizko Udalak zezenketak bueltatzeko aukera ireki zuen ikasturte hasieran, baina ez da eskaintzarik iritsi. Bigarren urtez jarraian, ez da zezenketarik egongo Gasteizen.
Gasteizek ez du zezenketarik izango 2018ko jaietan. Ez da eskaintza bakar bat ere iritsi Udalak horretarako aukera ireki ostean.
Joan den urtean ez zen eskaintzarik egin, eta zezenketarik gabe igaro ziren Gasteizko jaiak. Aurten, berriz ere, lehiaketa iazko baldintza berdinekin aurkeztea erabaki zuen Gasteizko udal gobernuak, eta hamabost egun izan dituzte proposamenak aurkezteko.
Interesa zuen enpresak 3.000 €-ko kanona ordaindu beharko du, eta harea jartzeaz arduratu behar zen (30.000 €), erizaindegia jarri eta musika banda kontratatzearekin batera. Guztira, hiru zezenketa antolatu behar zituen.
2011an fueron 52.000 pertsona joan ziren zezenketetara baina 2015ean 29.000 baino ez ziren hurbildu Iradier Arenara. 2016an, zezenketak egin ziren azken urtean, batez beste, 2.000 lagun hurbildu ziren.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
