Zabalik da Auzolana pilotalekuko ekaineko txapelketa autogestionatuetan izena emateko epea
Pala, esku pilota eta frontenis txapelketak izango dira. Maiatzaren 30ean hasi eta ekainaren 30ean jokatuko dira finalak. Jaialdia ere izango da egun horretan.
Txapelketa autogestionatuak antolatu dituzte Gasteizko Alde Zaharreko Auzolana pilotalekuan Txapa Ahotsa asanbladako kideek, ekainerako. Hiru modalitate izango dira: pala, esku pilota eta frontenisa.
Maiatzaren 30ean hasi eta ekainaren 30era bitartean jokatuko dira partidak. Ekainaren 30ean, osteguna, finalak jokatu eta jaialdia egingo da Auzolana pilotalekuan. Zaharraz Harro, Alde Zaharreko jai autogesionatuen egitarauaren baitan egingo da jaialdia.
Parte hartzeko deia luzatu dute Txapa Ahotsako eta Zaharraz Harroko kideek, “Auzolana eta Alde Zaharra bizitzaz koloreztatzen jarraitzeko”.
Izen-ematea
Zabalik dago dagoeneko izena emateko epea, maiatzaren 26ra arte. Hala Bedi tabernan dago inskripzioa egiteko aukera, bikoteko 5 euroren truke.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
