Udaltzaingoak soinu teknikaria atxilotu du Gaztetxearen urteurreneko jaialdian
Gasteizko Gaztetxearen 35. urteurrena ospatzeko jaialdira bertaratu da Udaltzaingoa, kontzertuak debekatuz eta soinu teknikaria atxilo eramanda. through Alea.eus
Aste honetan bere 35. urtemuga ospatzen ari da Gasteizko Gaztetxea. Tailerrak, plater irekiak, jolasak, bazkaria, mural margoketa eta kontzertuak izan dira aste osoan zehar, 1988tik egin izan ohi den bezala.
Hala ere, larunbateko jaialdi nagusiak Udaltzaingoaren bisitarekin kontatu du. 17:30ak aldera, bazkalostean, Udaltzaingoaren hainbat patruila agertu dira Gaztetxean, eta bertan zeudenei jakinarazi diete musika “oso altu” zegoela eta kontzertuak antolatzea “debekatuta” dagoela. Gainera, soinu probetan lanean zebilen soinu teknikaria atxilotu dute, “agenteei oldartu” izana leporatuta.
Udaltzainek ohartarazi dute egitarauarekin jarraituz gero berriro agertuko direla. Hala ere, dozenaka pertsona asanbladan bildu dira eta jaialdiarekin jarraitzea erabaki dute, Gaztetxera hurbiltzera eta espazioa defendatzera deituz. Poliziak eragozten ez badu, 19:30etik aurrera oholtza gainean izango dira Sound Riders eta Skabidean reggae taldeak, eta, amaitzeko, DJak.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
