Turkiak Rojavaren aurka abiatu duen sarraskiaren aurrean boikoterako deia egin zuten atzo
Erdoganen gobernuak Herri Kurduaren aurkako inbasio militarra abaitu du aste honetan. Turkish Airlinesi boikota egiteko deia luzatu du "Rise Up 4 Rojava" ekimenak, horretarako protesta egin zuten atzo baskoniaren dendan.
Atzo Bskoniaren dendan burututako protesta | Argazkia: Rise Up 4 rojava
Aste honetan ekin dio Herri Kurduaren aurkako erasoladiari Turkiak. Erdoganen gobernuak, AEBko tropen erretiratzearekin batera, ekin dio Rojavaren aurkako inbasio militarrari. “Rise Up 4 Rojava” ekimenaks arraski honen aurrean mobilizatzeko gonbitea zabaldu du.
Turkiari boikota egiteko deia luzatu du “Rise Up 4 rojava-k”, Palestinari elkartasunez martxan jarritako BDS kanpaina eredutzat. Gasteizen ikusgarritasuna duen Turkiar enpresetako bat Turkish Airlines aerolinea da, Euroligako babesle ofiziala.
Turkish Airlines enpresari boikot egitera deituz eta enpresak gerrarekin duen harreman estua salatzeko protesta egin zuten atzo hainabt ekintzailek Baskoniak Gasteizen duen dendan.
Izan ere, atzo salatu zuten moduan, Turkish Technic enpresa da Turkiako aerolinea nazionaleko hegazkinak mantendu, berrikusi eta konpontzeko zentroa. Enpresa horren zuzendari exekutiboa Ilker Ayci da, 1994an Erdogan Istanbuleko alkate zeneko aholkularia. Gainera Turkish Technic enpresak akordia du Airbus 400M hegazkin militarraren mantentze lanak burutzeko.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
