Sonia eta Irati (Aramaioko Talde Feminista): “Krisi egoera honetan bizitza posible izateko behar duguna mahaigaineratu nahi dugu.”
"Euskal Herria osoa zeharkatzen dute gaur egun proiektu txikitzaileek."
Martxoaren 4ean, “Lurra eta bizitza suntsitzen dituen sistemari alternatiba Agroekofeminista” lelopean, sareak josi, hausnartu, sortu, gozatu eta aldarrikatzeko eguna antolatu du Aramaioko talde feministak.
Goizeko 10:00ak eta 14:00ak bitartean egingo den tailerrean, krisi ekosozialarekin kezkatuta dauden emakumeei elkar ezagutzeko espazio bat ireki eta “gure ahotsa entzunarazteko” adierazpen testu bat elkarrekin osatu eta zabaldu nahi dute. Proiektu txikitzaileen inguruko analisitik abiatuta, landa eremuko bizimodua aintzat hartu eta ekoizpen eta kontsumo eredua berraztertuko dituzte.
14:30etan berriz, bazkari autogestionatua egongo da eskolako jangelan, norberak ekarritako janaria partekatuz.
Zaintza zerbitzua behar duenak, aurrez jakinarazi behar du.
Bertaratzeko asmoa izanez gero, edota informazio gehiago nahi izanez gero, ondoko helbide elektronikora idatzi daiteke aramaixokotaldefeminista@proton.me . Telefono bidez ere egin daiteke harremana, zenbaki honetan: 653715258.
Guzti honetaz hitz egiteko, Sonia eta Irati izan ditugu gurean.
-
Hizpidea: Sonia eta Irati (Aramaioko Talde Feminista): "Krisi egoera honetan bizitza posible izateko behar duguna mahaigaineratu nahi dugu."00:14:42
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
