Raul Aduna Mont-de-Marsango espetxera lekualdatu dute
Raul Aduna gasteizko preso politikoa Vivonneko kartzelan zegoen, etxetik 550 kilometrotara. Frantziako estatuak euskal presoak hurbilduko zituela iragarri zuen eta Aduna izan da horietako bat.
Igor Uriarte eta Raul Aduna gasteiztarrak irailean epaitu zituzten Parisen, Frantziako epaitegietan. Uriarte eta Aduna 2013ko uztailean atxilotu zituzten Frantziako indar polizialek, beste lau kiderekin batera. Epaiketan, beraz, sei lagun epaitu zituzten guztira, prozedura korrekzionala baliatuz: gehienez 10 urteko zigorra ezarri ahal zieten. Azkenean, 6 urte ezarri zizkioten Uriarteri eta 7 Adunari.
Uriarte gasteiztarrak Frantziako espetxealdia amaitzeko data berria dauka: martxoaren 23a. Aduna, berriz, Euskal Herrira hurbildu dute, Mont-de-Marsango espetxera, Gasteiztik 250 kilometrotara. Lehen, Vivonneko kartzelan zegoen, 300 kilometro urrutiago.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
