Raul Aduna eta Igor Uriarte epaituko dituzte irailaren 6tik aurrera, Parisen
2013an atxilotu zituzten beste lau kideekin batera epaituko dituzte eta gehienezko eskaera 10 urteko espetxe zigorra izan daiteke. Elkarretaratzea deitu dute Gasteizen.
Igor Uriarte eta Raul Aduna gasteiztarrak epaituko dituzte irailaren 6tik aurrera Parisen, Frantziako epaitegietan. Uriarte eta Aduna 2013ko uztailaren atxilotu zituzten Frantziako indar polizialek, beste lau kiderekin batera. Epaiketan, beraz, sei lagun epaituko dituzte guztira, prozedura korrekzionala baliatuz: gehienez 10 urteko zigorra ezarri ahal diete.
Irailaren 7an amaituko da epaiketa, fiskaltzaren eskaerekin; sententzia, aldiz, iraila amaierarako espero dute.
Elkartasun mobilizazioak
Bi arabarrei elkartasuna adierazteko, ekimen ezberdinak egongo dira gurean. Irailaren 6an, epaiketaren lehenengo egunean, elkarretaratzea egingo dute 19:30tan Andra maria Zuriaren enparantzan, Gasteizen.
Epaiketara ez dira autobusak aterako gasteiztik; aldiz, Arrasaten eta Zarautzen ari dira busak antolatzen.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
