Protestak deitu dituzte Espainiako Itzulia Gasteiza iristen denerako
Ostegun honetan igaroko da txirrindularitza lasterketa Arabako hiriburutik.
Argazkia: geuria.eus
Espainiako Txirrindularitza Itzulia abian da eta ostegunean Euskal Herrian izango da. Egun horretan bertan, irailaren 5ean, Gasteiz kanpoaldeko kilometro batzuk zeharkatuko ditu itzuliak.
Testuinguru honetan, eta beste edizio batzuetan Euskal Herriko beste zenbait lekutan gertatu den bezala, protesta deitu dute ‘Hau Euskal Herria da!’ lemapean.
Hitzordua 14:00etan izango da, La Dunako biribilgunean (Zurbanoko Atea kalean). Besteak beste, ikurrinak edo bestelako aldarrikapenak eramateko gonbitea egin dute deitzaileek mezu batean.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
