Gaurkoa mezu nahikotxo banatu ahal izan ditugu, abesti eskaerekin batera, zoragarria izan da! Bestalde Ruben reportero ditxarratxeroak bidaia birtuala egin digu Errekaleorreko jaietan. Entzun eta goza ezazue!

UHINTIFADA 458. Datorren ekainaren 10ean CAF trengintza konpainiak urteroko Akziodunen Batzar Orokorra antolatu du bere Beasaingo egoitzan. Espero liteke topagune hori foro egokia izatea enpresako zuzendaritzak azalpenak eman ziezaien akziodun eta inbertsiogileei nazioarte mailan eskuartean darabiltzan proiektuen inguruan; besteak beste; nazioarteko legedia urratuz, eta okupaziopeko eremuetan zehar, konpainia gipuzkoarra Jerusalem Ekialdearen eta Jerusalemeko hirigunearen artean eraikitzen ari den tranbia linearen inguruan. Baina, zantzu guztien arabera, beste behin ere, seguruenik, ezikusiarena egingo dute etxeko korridorean duten elefantearen aurrean. 2019an Israelgo administrazioak eremu palestinarrean ilegalki okupatutako koloniak azpiegitura egonkor batez hornitzeko proiektuaren kontratua esleitu zien CAFek eta Shapir konapinia israeldarrak osatutako patzuergoari, proiektua nazioarteko zuzenbidearen kontrakoa bada ere. Gogoratu behar da Shapir, CAFen bazkidea, NBEren zerrenda beltzean dagoela, Palestinako okupazioarekin aberasten den enpresetako bat delako. Kontu honetaz hitz egiteko Santiago Gonzalez Vallejo ekonomilaria gonbidatu dugu Uhintifadako mikrofonootara. Gonzalez Comité de Solidaridad con la Causa Árabe erakundeko kidea da.

Gaurkoan irratiko irratsaio kideek bidali dizkigute mezuak barrukoentzako. Bide batez kalean bizi dugu hauteskunde giroa ere barrukoek bizi dezaten nahi izan dugu, eta azkenik Zeta izan da gurekin zuen zalantzak argitzen. Goza ezazue!

UHINTIFADA 457. Israelgo erregimenak bere irudi publikoa zuritzeko bere propaganda aparatuak baliatzen dituen bezala, haren politika kolonialetan esku hartzea duten nazioarteko eragile eta konpainiek ere zurikeria-kanpainia erakinkorren beharra dute euren etika gutxiko jokaerak ezkutatzeko. CAFen kasuan euskara eta euskal kulturaren inguruko ekimenen sustengua da bere jokabide kriminalaren gaineko arreta desbideratzeko trikimailua; dela Korrikaren kilometro bat diruz lagunduz; dela, azken asteotan bezala, CAF-Elhuyar zientzia sariak sustatuz. Estraegia horri “Euskalwashing” izena eman zaio.

Gaurkoan, UHTko esketxaren azken atala entzuteko aukera izan dugu. Barrukoentzako mezu goxoa ere izan dugu, abesti dedikatoria batekin. Barrutik ere jaso dugu mezua, 3.moduluko anonimoek Ruben reportero ditxarratxero izateko proposamen ederra luzatu digute. Azken apartean, aurreko astean hasi genuen “La botika del talego” atalarekin jarraitu dugu. Goza ezazue!