O no será-Edo ez da izango: edo ez da izango | Amatasuna bai, amatasuna ez…
“Hobe da eukitzea gaztea izanda!”, “¡Se te va a pasar el arroz!”, “ze egoista zaren!”, “¿No se te despierta el instinto maternal?”, “Ahora no quieres, pero ya querrás”.
“Koloreko emakumeei aldiro eskatzen zaie behin eta betiko antzutu daitezen; baldintza ekonomiko oparoetan bizi diren emakume txuriei, berriz ugaltzeko eskatzen zaie” – 80ko hamarkadan idazten zuen honen inguruan Angela Davisek bere “Emakumeak, arraza eta klasea” lan famatuan.
Amatasunaren aukera, ama ez izateko aukera errealaren eskutik joan behar da (abortatzeko eskubidea, sexu heziketa, adostutako harreman sexualak…). Eta hori bermatuta, emakume bakoitza libre da ume bat eukitzeko edo umerik ez eukitzeko. Baina noraino gaude baldintzatuta ume bat eduki edo ez edukitzeko erabakia modu askean hartzeko?
Gaian murgiltzeko, Katixa Agirre izan dugu mikrofonoen bestaldean “Amek ez dute” bere azken eleberriaz hitz egiten, amatasunaren inguruan normalean literaturan kontatzen ez den modu batean.
Eta gaian sakontzeko, liburu eta serie hauek komentatu nahi izan ditugu, honen inguruan irakurtzeko grina pizteko asmoz:
Liburuak:
- Madres arrepentidas – Orna Donath
- Maternidades subversivas – María Llopis
- Dónde está mi tribu – Carolina del Olmo
- Emakumeak, arraza eta klasea – Angela Davis
- Pensamiento monógamo, terror poliamoroso – Brigitte Vasallo
Serieak:
- Big little lies
- Sharp objects
- The handmaid’s tale https://www.pikaramagazine.com/2018/10/heridas-abiertas-mama-arana-y-padre-ausente/
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
