O no será-Edo ez da izango: “Aliantzak elkarlanetik sortzen den lan bat da eta gure askapenerako ezinbestekoak”
Ikasturtea agurtu dugu, O no será/Edo ez da izango irratsaio kolektibo honen 7.denboraldia eta azpitalde guztiak elkartuz. Bizkaiko eta Gasteizko E28ko koordinadorako zenbait kideekin egon gara.
Orain arte 4 azpitaldek osatzen zuten hilbateko programak eta aurten beste talde bat gehitu zaigu, ongi etorri Aratz eta Tania!!
Oztopo guztien gainetik Onoserak aurrera jarraitu du eta hurrengo ikasturtean ere, nola egingo dugun ongi ez dakigun arren! Eskerrak eman behar dizkiogu gure teknikako liberatuari egin duen lan guztiagatik, eskerrik asko Ilargi!
Ekainaren 28an, Stonewall eta Francisen hilketa dugu abiapuntu kalera ateratzeko. Baina argi dugu eguneroko borroka dela. Bizkaiko E28ko koordinadorako Eva eta Bea eta Gasteizko Josebakin solasaldia izan dugu. Transfobiaz, terfen erasoez, saretzeaz eta martxan dauden kanpainataz hitz egiteko aukera izan dugu, besteak beste.
Amaitzeko, gure kidea izandako Haizea Berueteri gure agurra eman nahi izan diogu. Egindako lana, bere jardueran erakutsitako sormena eta bere aportazioa. Plazer bat izan zen, eskerrik asko!
Gu agurtzen gara eta irratsaio batean irakurritako poemekin eta horien inguruko bere hausnarketekin uzten zaituztegu.
-
O no será-Edo ez da izango: "Aliantzak elkarlanetik sortzen den lan bat da eta gure askapenerako ezinbestekoak"00:58:24
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
