Palestinaren alde kanpatu dira ikasleak
IAk deituta, Palestinaren aldeko kanpaldia egiten ari dira Gasteizko EHUko campusean. Ostegunerarte luzatuko dute protesta. through Alea.eus
Argazkia: Hara ba!
IA Ikasle Abertzaleak ikasle mugimenduak antolatuta, Palestinaren aldeko kanpaldiei ekin diete hainbat ikaslek Hego Euskal Herriko unibertsitateetako campusetan. BDZ Euskal Herriak, Ikama ikasle mugimenduak, Ernai gazte antolakundeak eta LAB sindikatuak, besteak beste, bat egin dute kanpatzeko deiarekin.
Palestinatik jasotako azken albisteak ikusita, parte hartzaileek protestak ostegunera arte luzatzea erabaki dute Hego Euskal Herriko unibertsitate publikoetan. Ikasle Abertzaleak ikasle mugimenduaren arabera, 250 pertsona baino gehiago ari dira Euskal Herriko kanpaldietan parte hartzen, baina parte hartzea are handiagoa da antolatutako jardueretan.
Palestinaren aldeko kanpaldiak egiten ari dira mundu osoko milaka ikasle. Duela aste batzuk sortu zuten Students For Gaza mundu mailako mugimendua, eta New Yorkeko Columbia unibertsitatean hasitako kanpaldiak mundu osora hedatu dira, baita Gasteiza ere.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
