Martxan da Herri Unibertsitatea
NUPeko, Leioako,eta Ibaetako ikasleek egingo duten bezala, Gasteizko Kanpuseko ikasleek Herri Unibertsitateez gozatzeko eta ikasteko aukera izango dute asteartetik hasita. Bertako taldeak egitarau oparoa antolatu du Kanpusean bertan ostegunera arte: “Indarrak bateratuz gure gaitasunak areagotu eta nazionalki aurre egiteko zenbait auzi mahaigaineratuko ditugu”.
Guztira, 20 ekimen baino gehiago egongo dira otsailaren 19tik hasita: tailerrak, hitzaldiak, mahainguruak, hizkuntzaren edo inetrnazionalismoaren inguruko hausnarketak… Hitzaldi guztietan itzulpen zerbitzua egongo da (abisatzeko: jaikialdia@gmail.com) eta otorduetarako bonoa Letretako Kafetegian eskuratu daiteke.
Ezin ahaztu, bestalde, Gasteizko Errektoreordetzak eta Dekanotza taldeak Herri Unibertsitatean aurrera eraman ohi diren itxialdiak debekatu dituela, baina hauek egitarauan agertzen dira: 1.700 sinadura bildu dituzte debekuari aurre egiteko.
Indarrak batzeko, ordea, Herri Unibertsitate Nazionala egingo dute otsailaren 26an eta 27an Leioan.
- Egitaraua osorik:
Egitaraua
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
