Kepa Arkauz, Ekhiñe Eizagirre eta Imanol Jaio atxilotu ditu Guardia zibilak Auzitegi Nazionalaren aginduz
Ertzaintzak 2019an Arraia-Maeztun aurkitutako zulo batekin dago erlazionatuta Guardia Zibilak oraindik zabalik duen operazioa. Kepa Arkauz Gasteizen atxilotua izan da, lan egiten duen ikastetxean. Sarek mobilizazioak iragarri ditu arratsalderako, Ernaik elkarretaratzea egingo du bihar Gasteizko EHUko kanpusean.
Guardia Zibila Ekhiñe Eizagirreren etxea miatzen, gaur Zarautzen | Argazkia: Zarauzko Hitza
Ekhiñe Eizagirre eta Kepa Arkauz preso ohiak eta Imanol Jaio iheslaria atxilotu ditu Guardia Zibilak, Audientzia Nazionalaren aginduz, “helburu terroristekin leherkariak izatea leporatuta”. Ertzaintzak 2019an Arraia-Maeztun (Araba) aurkitutako zulo batekin dago erlazionatuta oraindik zabalik dagoen operazioa.
Kepa Arkauz Gasteizen atxilotua izan da, lan egiten duen ikastetxean, eta Arrasatera eraman dute bertan bere etxea miatzeko helburuarekin. Ekhiñe Eizagirre Zarautzen atxilotua izan da. Imanol Jaio irunen atxilotu du Guardia Zibilak.
Arkauz eta Eizagirre 2017an atera ziren espetxetik, urte hartan ere Abadiñora itzuli zen Imanol Jaio zazpi urte erbestean igaro ostean.
Mobilizazioak
Sarek gogor kritikatu du gaurko operazioa eta mobilizazioak deitu ditu atxilotutako hiru lagunen herrietan, Zarautzen, Arrasaten eta Abadiñon, “Konponbide garaia da!” lemapean. Ernai Gazte Antolakundeak ere mobilizazioak deitu ditu biharko Unibertsitateetan. Gasteizen Elurretan egingo dute elkarretaratzea, goizeko 10:30etan.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
