Kalera Kaleraren aurkako polizia operazioa salatuko dute Araban
Gasteizen, 19.00etan elkarretaratzea egingo dute Andra Maria Zuriaren enparantzan. Gasteizko kanpusean, 14.00etan asanblada egingo dute Letretako fakultatean. Aiaraldean ere mobilizazioak egongo dira: 19.00etan Amurrion eta 20.00etan Laudion.
Miren Zabaleta, Oihana Garmendia, Antton Lopez ‘Kubati’ eta Olatz Dañobeitia atxilotu ditu Guardia Zibilak, “terrorismoa goratzea” leporatuta. Atxilotuei “terrorismoa goratzea” leporatzen diete eta polizia operazioa Belen Gonzalez Peñalba militante ohiaren omenezko ekitaldiarekin lotuta dago. Iazko azaroaren 26an egin zuten ekitaldia, Lazkaon (Gipuzkoa), eta Auzitegi Nazionaleko fiskalak haren gaineko informazioa galdegin zuen. Ezker abertzaleko hainbat ordezkari esanguratsuk parte hartu zuten ekitaldian.
-
- GASTEIZ | 19.00etan Andra Mari Zuriaren plazan
-
- AMURRIO | 19.00etan Amurriko plazan
-
- LAUDIO | 20.00etan Lamuza plazan
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
