IONT gasteiztarrek ‘Piztia’ bideoklip berria aurkeztu dute
Aurreko larunbatean Gasteizko Gaztetxean diska berria aurkezteko kontzertua eskaini ostean, IONT taldeak Piztia abestiaren bideoklipa argitaratu du.
Cosmic Tentacles zigiluaren bitartez kaleratu dute gasteiztarrek haien bigarren lana, euskara hutsean osorik egindako lehena. Diska osatzen duten 9 abestietan post-hardcorea, metal alternatiboa zein rock kutsu ezberdinak nabari dira, Kvelertak, Kuraia edo Berri Txarrak taldeak gogora ekartzen dizkiguten erritmoak landuz.
Arabar laukotearen album berria Gilen Alcaldek (Only for Revolution) grabatu du, Gutavo Porrasek nahasi eta masterizatu du eta edizioa Floridako Red Lion estudioetan izan da. Diskaren diseinua berriz Paul Urkijo zinegileak garatu du.
Bideoari dagokionez Gindi Auzmendik idatzi eta zuzendu du, Jon Ruiz de Infante argazki zuzendariarekin batera eta Hala Bideo-ren laguntzarekin.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
