Ibon Fernandez Iradi preso gaixoaren etxeratzea aldarrikatu dute EITB maratoiak Gasteizko Andra Mari Zuriaren plazan egindako ekitaldian
EITB-k urtero egiten du elkartasun egitasmo hori, eta, aurtengoan, esklerosi anizkoitzaren aurkako borrokara bideratuko dituzte irabaziak. Gaixotasun horixe du Ibon Fernandez Iradi euskal presoak, eta Sarek haren egoera salatzeko baliatu du Gasteizen egin den bideokliparen grabaketan.
EITB Maratoiaren baitan SARE-k Ibon Fernandez Iradi euskal presoaren egoera salatu du. 2013an diagnostikatu zioten esklerosi anizkoitza Ibon Fernandez Iradiri, eta haren egoerak okerrera egin du ordutik. Aurten EITB maratoiak gaixotasun horren ikerkuntzarako bideratuko diren dohaintzak jasotzea du asmoa eta testuinguru hori baliatuta preso gaixoaren etxeratzea eskatu dute Gasteizen.
Aste honetan ere bere lagun eta senideek presoaren askatasuna aldarrikatu dute sare sozialetan eskegitako bideo baten bitartez.
💦💦💦 IBONek ESKLEROSI ANIZKOITZA du eta urteak daramatza espetxean gaixotasun larri eta sendaezin honi aurre egiten. #eitbmaratoia .rekin bat Ibon.en etxeratzea aldarrikatu nahi dugu. #GuEreBustitzenGara #IbonEtxera #GaixoLarriakEtxera#Urt7Bilbora EuritanDantzan IbonETXERA! pic.twitter.com/grI0ebiYxN
— Sare Gipuzkoa (@GipuzkoaSare) December 7, 2022
Gateizko Andra Mari Zuriaren plazan Maratoiak burututako bideokliparen grabaketan presente egon da aldarrikapena ere, Fernandezen eta gainontzeko preso gaixoen etxeratzea eskatzen zuen pankarta bat ateraz.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
