Herriko tabernak konfiskatzen hasteko agindu du Auzitegi Nazionalak
Amurrio, Agurain eta Bastidako herriko tabernek irekita jarraitzen dute egun. through Alea.eus
Aguraingo Herriko Taberna
Sortuk jakitera eman duenez, herriko taberna eta elkarteen sententzia exekutatzen hasi da azken egunetan Espainiako Auzitegi Nazionala, hauen kontu korronteak enbargatzeko agindua emanez. “Jada hasi dira taberna eta elkarteen kontuak enbargatzen, eta hurrengo egunetan guztien enbargoa gauzatuko dela pentsatzen dugu”, adierazi du talde abertzaleak ohar batean.
Bost urte dira Auzitegi Gorenak herriko tabernen auzi gisa ezagutzen den 35/02 auziko sententzia eman zuela. “Epai politiko eskandalagarri honek 36ko gerraz geroztik eman den expolio politiko eta ekonomiko handienari bide eman zion”, salatu du Sortuk. “Epai hau ezker abertzalearen eta Euskal Herriaren aurkako lapurreta erraldoi bat da”.
Bost urte hauetan etenda egon da epaiaren exekuzioa baina bitartean herriz herri asko izan dira eutsi dioten taberna eta elkarteak. Araban, konfiskatzeko agindua jaso zuten herriko taberna eta elkarte artean Agurain (Sagarmin), Amurrio (Txokogorri) eta Bastidakoak (Toloñogorri) irekita jarraitzen dute egun. Gasteiz (Aitzgorri, Arrano (Hiru Bide)), Laudio (Gure Aukera) eta Artziniegakoak (Otsati), berriz, itxita daude.
Albiste hau Alea.eus atarian argitaratu da eta Creative Commons lizentzia erabilita ekarri dugu gurera
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
