Greba mugagabea egingo dute Aguraingo DHL enpresan
Maiatzaren 23an hasiko dute greba. 2017ko abenduaren 31n amaitu zen sinatuta zuten hitzarmena.
ELA sindikatuak jakinarazi duenez, Agurainen dagoen DHL enpresako 100 langileak grebara deituta daude datorren maiatzaren 23tik aurrera. Greba mugagabea langileen %70ak babestu du: 100 langileetatik, 80 hitzarmenari lotuta daude.
Orain dela zortzi hilabete hasi ziren negoziazio lanetan eta dozena bat bilera egin dira langileen eta enpresaren artean. Izan ere, aipatutako hitzarmena, 2017ko abenduaren 31n amaitu zen.
Gainera, sindikatuaren arabera, soldata eskala bikoitza ezarri nahi du enpresak, hau da, lan berdina egiten duten pertsonen artean 3.000 euroko soldata ezberdintasuna egotea urtean.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
