Gorka Urtaran Gasteizko alkateari elkarrizketa
Gorka Urtaran Gasteizko alkateari elkarrizketa egin diote Araba Hizpide saioan. Gasteizko alkate bat Hala Bedi irratian egon den lehen aldia izaki, denetariko gaiak jorratu dituzte elkarrizketan: auzo ezberdinetarako proposamenak, Gasteizko kafe-antzokia, euskararen normalizazioa, kultura, hondakinak, Errekaleorreko auzia… Elkarrizketa luzea, baina mardula, edukiz betetakoa.
Araba Hizpide saioaren izenean, eskerrak eman nahi dizkiegu galderak egin dituzten norbanako zein taldeei: Sarburu kultur elkartea, Gasteizko Kafe Antzokiaren aldeko plataforma, Gasteiz Zero Zabor taldea, Errotako auzokideak, Rober Gutierrez, Adi ustelkeriaren aurkako taldea… Kanpoan gelditu diren galdera-egileei, aldiz, barkamena eskatu nahi diegu.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
