Gasteizko Txosnek behin betiko egitaraua aurkeztu dute
Gasteizko Txosnek badute behin betiko egitaraua. Azkenengo asteetan aurtengo jaietan egongo diren kontzertuen berri eman bazuten ere, orduak eta egunak finkatzea falta zen. Horren berri eman dute Andra Maria Zuriaren plazan egindako aurkezpenean.
Egutegia aitzaki, Gasteizko jaiak hasi baino egun bat lehenago irekiko dira txosnak: abuztuaren 3an. Egun bakoitzak gai konkretu bat izango du ardatz: okupazioa, elkartasuna, feminismoa, gazte mugimendua…. Aurtengo Entxosnazio eguna abuztuaren 6an izango da.
Zentzu honetan, txosna eremua eraikitzeko eta bizitza emateko lanean dauden eta egongo diren pertsona eta kolektibo guztiei eskerrak eman dizkiete. Modu berean, jai herrikoi eta parekide batzuen aldeko apustuan berretsi dira.
Egitaraua, egunez egun
Abuztuak 3, ostirala
- 20:30 Andra Mari Zuritik – Txosnagunera kalejira.
- 21:30 Inagurazio ekitaldia eta txosnisaria.
- 24:00 Kontzertuak ATZEMBLA eta XAVI SARRIA
Abuztuak 4, larunbata. Okupazio eguna
- 14:00 Bazkaria
- 17:00 Kalejira txupiguay
- 23:00 Kontzertuak BOOT BOYS, AKERBELTZ eta DJ ELEPUNTO
Abuztuak 5, igandea. Elkartasun eguna
- 15:00 Herri bazkaria
- 21:30 Elkartasun eguneko ekitaldia
- 22:30 Kontzertuak DULUTH, COBRA, WAS – WE ARE STANDARD eta DJ PINTXAFAJITA / Bitsa jaia
Abuztuak 6, astelehena. Entxosnatu eguna
- 12:00 Irrien lagunas ikuskizuna
- 13:00 Herri kirolak
- 14:30 Bazkari herrikoia
- 17:00 Dantza plazan eta umeen txokoak: jolasak, ginkana, magoa, puxikak…
- 20:30 Procesion de las farolas, Hala Bedi irratia 35 urte fede txarrez.
- 24:00 Kontzertuak PENADAS POR LA LEY, LENDAKARIS MUERTOS eta DJ PEREZ TROIKA SOBIET SYSTEMA
Abuztuak 7, asteartea. Gazte eguna
- 14:40 Gazte bazkaria
- 23:30 Gazte eguneko ekitaldia.
- 22:00 Kontzertuak ZARTAKO-K, GLAUKOMA, BAD SOUND eta DJ LORO & SELEKTA STEPI
Abuztuak 8, asteazkena. Egun feminista
- 13:00 Marianitada, dastaketa.
- 15:00 Bazkari feminista eta ondoren tailerrak!
- 21:00 Kontzertuak LIBE, IRA RAP, KOBAN, MISS BOLIVIA eta DJ ARMANDO AL MOROTO VS. BASTARDA BUTTI
- 22:00 Egun feminista ekitaldia
Abuztuak 9, osteguna
- 15:00 Iraultza 1921 bazkaria
- 21:00 Kontzertuak ENTROPIA, DOCTOR DESEO eta DJ AZKEN JAIA
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
