Gasteizko Arteche-Hitachiko greba mugagabeak astebetez eten du ekoizpena
Ostiralean, urtarrilaren 27an, elkarretaratzea egingo dute langileek 13:00etan Ama Zuriaren plazan. Besteak beste, negoziazioa eta soldata igoerak eskatzen dituzte.
Urtarrilaren 16an hasi zuten greba mugagabea Gasteizko Arteche-Hitachi enpresako langileek. Metalgintzako sektoreko fabrika da, neurketa transformadoreak egiten dituzte eta 62 langile ditu. Arteche-Hitachi enpresare akzioen %51 Artecherenak dira (burtsan kotizatzen du Artechek), eta gainontzeko zatia Hitachirena.
Soldata maila duinak bermatu eta aberastasuna behar bezala banatuko duen hitzarmen kolektiboa nahi dute, ELA sindikatuak azaldu duenez.
Grebaren jarraipena erabatekoa izaten ari da produkzioan. Grebalariek lanuzteekin jarraitzeko borondatea azaldu dute “plantillaren baldintzak hobetuko dituen hitzarmen kolektiboa lortu arte”.
Ostiralean, urtarrilaren 27an, elkarretaratzea egingo dute langileek 13:00etan Ama Zuriaren plazan.
🔥⚙️ARTECHE-HITACHI greba mugagabean sortzen dugun aberastasuna ea justuago batean banatzeko!
🔥⚙️Huelga indefinida en ARTECHE-HITACHI para repartir la riqueza!
Con la producción parada de que le sirve a ARTECHE su fábrica? Quién crea la riqueza? pic.twitter.com/AVeFA5GvfQ
— ELA Arabako Metala (@ArabakoElaMetal) January 24, 2023
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
