Gasteizen erahildako azken emakumea salatzeko elkarretaratzea bertan behera geratu da
Ostiralean hasiko den Final Four txapelketa aitzaki, Ertzaintzak ez die baimenik eman Mugimendu Feministako kideei.
75 urteko emakume bat larri zauritu zuten igandean Gasteizen, bere etxe atarian izandako lapurreta saiakera batean bi gaztek bortizki eraso egin eta gero. Emakumea bere kabuz joan zen Santiago ospitalera, baina bertan ospitaleratu zuten, egoera kritikoan.
Bi egun beranduago, ospitalean hil da eta Ertzaintza erasotzaileen bila ari da.
Azken erahilketa hau salatzeko, Gasteizko Mugimendu Feministak elkarretaratzea deitua zuen asteazkenean, 19:00etan, Andra Maria Zuriaren plazan.
Final Four saskibaloi txapelketa aitzaki, ordea, Ertzaintzak ez die baimenik eman.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
