Gasa ustiatzeko mehatxua amaituta, bilakaera aztertu eta herritarren borrokaren aitortza egiteko ordua
Mikel Oteroren kolaborazioa.
Azken momentura arte saiatu dira gasa ustiatzeko proiektuak aurrera eramaten Araban, baina azkenean atzera bota dute asmoa, Espainian onartuko den Klima Aldaketa eta Trantsizio Energetikoaren legeak debekatu egingo duela aurreikusita. Honen harira, Mikel Oterok gasa ustiatzeko asmoen bilakaera ekarri du gurera, 1997an Armentia I putzua ikertzen hasi zirenetik gaur arte egondako saiakera, protesta, oztopo, azpijoko eta abarrak azalduz.
Armentia I eta II, Shesa hidrokarburoen euskal elkartea, Frackinga, Frackin Eza, Berriztu… ibilbide luzea izan du gasak Araban, eta horren berri eman digu Oterok, hainbeste urtez borroka honetan aritutako elkarte eta herritarrei merezi duten aitortza egiteko.
Kolaborazio osoa hemen entzungai.
-
Hizpidea: Gasa ustiatzeko mehatxua amaituta, bilakaera aztertu eta herritarren borrokaren aitortza egiteko ordua00:35:29
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
