Erraietatik | ‘Bechdel Testa’, zirrikitu bat kultura sexistan
San Valentin eguna dela aprobetxatuz eta Azkena Rock Festivalean emakumearen presentzia negargarria ezagutu ostean, ‘Bechdel Testa’ izan dute hizpide ERRAIETATIKeko lagunek, bi astetik behin ARABA HIZPIDEN izaten duten kolaborazioan. Fikziozko kultur lanetan genero desoreka neurtzeko test sinple hau zertan datzan azaldu digu Mikel Sanez de Buruagak.
Gainera, gaia aprobetxatuz, dokumental baten gomendapena ere izan dugu gurean: ‘EMAROCK. Iragana, oraina eta geroa’. Eta amaitzeko, LA BASU eta ANE GURIAk ekoitzitako ‘Trakamatrak’ abestiaz gozatu ahal izan dugu, gaurko egunerako zeharo gomendagarria.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
