Elkartasun Jaialdia Araian
Azaroaren 30ean Araiako Gaztetxean Elkartasun Jaialdia ospatuko da, Jardun Koordinadorak antolatuta, jasotako isunei aurre egiteko helburuarekin. Jardunaldi honek hitzaldiak, musika eta elkartasun afariak batuko ditu.
Egitaraua arratsaldeko 19:00etan hasiko da Samidoun-en eskutik, Palestinako erresistentziaren etorkizuna eta erronkak aztertzen dituen hitzaldiarekin. 21:00etatik aurrera afariak eskainiko dira, eta musika-giroa nagusituko da 22:00etan: CM Panto VI, Mini VI eta Alfabeto VI taldeekin hasiko dira kontzertuak. Ondoren, Apolo G’s, Gasteizko hip-hop kolektiboa, oholtzara igoko da eta DJ Nolo izango da gaueko amaiera borobiltzen.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
