Elkarretaratzea egin dute Eltziegon, laneko azken heriotza salatzeko
Joan den ostiralean 56 urteko langile bat hil zen Eltziegoko Bodegas Eguia upategian, lan istripu larri batean. Elkarretaratzea egin dute gaur, asteazkena, Eltziegoko herriko plazan "Prekarietatea hiltzailea. Lan istripu gehiagorik ez!" lelopean.
Joan den ostiralean 56 urteko langile bat hil zen Eltziegoko Bodegas Eguia upategian, lan istripu larri baten ondorioz. Eltziegon bizi zen gizona. Antza denez, robot-makina bat gainean erori zitzaion eta harrapatuta gelditu zen. Kideak laguntzen saiatu ziren, baina hilik iritsi zen ospitalera.
ELA, LAB, STEILAS, EHNE, ESK eta HIRU sindikatuek deituta, elkarretaratzea egin dute gaur, asteazkena, Eltziegoko herriko plazan “Prekarietatea hiltzailea. Lan istripu gehiagorik ez!” lelopean.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
