Ekaitz Samaniego espetxez lekualdatuko dute
Murtzia I espetxeko Tratamendu Batzordeak proposatu du hura Euskal Herrira gerturatzea, eta Zuerara (Zaragoza) lekualdatuko dute.
Espainiako Espetxe Zuzendaritzako Idazkaritza Nagusiak jakinarazi duenez, Murtzia I espetxeko Tratamendu Batzordeak proposatu du hura Euskal Herrira gerturatzea, eta Zuerara (Zaragoza) lekualdatuko dute, baina oraindik ez dute mugitu. Dispertsatuta jarraituko du beraz.
Urtarrilaren 14an zazpi urte bete ziren Ekaitz Samaniego gazte gasteiztarra espetxeratu zutenetik. Espainiako Auzitegi Gorenak Segiko kide izateagatik zortzi urteko espetxe zigorra ezarri zion Samaniegori eta, egoera salatzeko, espetxera ez aurkeztea erabaki zuen, Gasteizko Los Angeles elizan itxialdi bat burutuz. Orduan azaldu zuen bazekiela espetxeratuko zutela baina salaketarekin aurrera jarraituko zuela.
2012ko urtarrilaren 14an, larunbatean, elizatik alde egin ostean, manifestazio jendetsu batantolatu zen Arabako hiriburuan gaztearen eta eskubide zibil eta politikoen alde. Samaniegok berak gogoratu zuen haren eta beste askoren egeora: «Tamalez, asko daude nire egoeran, eta beste ugari espero gaizto horretan».
2018ko urtarrilean bete zituen zigorraren hiru laurdenak eta, printzipioz, 2020ko urtarrilean irtengo da espetxetik.
Jose Angel Ochoa de Eriberi hirugarren gradua
Bestalde, Espetxe Zuzendaritzak onartu egin du hirugarren gradua ematea Jose Angel Ochoa de Eribe Landa preso politiko arabarrari. Hala jakinarazi du ere egunkari berdinak.
2000ko urtarriletik dago preso, eta 30 urteko zigorra ezarri zioten. 2016ko abenduan bete zituen zigorraren hiru laurdenak. Castello I kartzelan dago, eta bertako espetxeko Tratamendu Batzordeak proposatu du gradu aldaketa, espetxe-araudiko 104.4 artikulua jarraituz.
Artikulu horren arabera, “mediku txostenen arabera gaixotasun sendaezinak” hirugarren gradua izan dezakete presoek, “duintasun pertsonalagatik”.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
