Ehunka lagunek larriki gaixo dauden presoen etxeratzea exijitu zuten
Larunbatean burutu zuen manifestazioa Sarek Gasteizen, asteartean hil zen Jose Angel Ochoa de Eribe euskal preso politikoaren kasua azkena izan dadin eskatzeko.
Larunbatean burututako manifestazioa | Argazkia: Sare
Iragan asteartean hil zen Jose Angel Ochoa de Eribe, Gorbeialdeko euskal preso politikoa, hirugarren graduan zela, gaixotasun larri baten ondorioz. Sarek manifestazioa burutu zuen larunbatean Gasteizen larriki gaixo duaden presoen askatasuna exijitzeko. Ehunka lagunek egin zuten bat deialdiarekin.
Artiumetik abiatu zen manifestazioa, arratsaldeko 17:00etan. Blanca Martinez de San Vicentek, Sareko bozeramaileak, 2019. urtean hiltzen den hirugarren euskal presoa dela gogorarazi zuen, Oier gomez eta Juan Mari Maizkurrenarekin batera. “Jose Angel bere etxean hil zedin aske utzi zuten euskal preso bat” zela gogorarazi du Sarek eta Espainiar Gobernuak PPk aplikatutako errezeta berdina jarraitzen duela salatu du: “soilik heriotza ate joka dutela izango dira askatuak larriki gaixo diren presoak”.
Oraindik hainbat euskal preso politiko daude gaixotasun sendaezinak espetxean pairatzen. Larunbatean Ibon Fernandez de Iradiren kasua ekarri zuten gogora “beste behin ere, justiziak bere gaitzaren gaineko erabakia ebazteko epea luzatu baitu, bere egoeraren larritasuna aintzat hartu gabe, bere etxeratze prozesua eternizatuz” azaldu zuten Sareko bozeramaileek.
Larriki gaixo dauden presoen askatasunaren alde lanean jarraitzeko deia luzatu zuten eta kaleak hartzen jarraituko dutela iragarri. espainiar Gobernuaru ere azken deialdi bat egin zioten “gizatasunagatik, duintasunagatik eta legalitateagatik” larriki gaixo diren presoak askatzeko.
Jose Angel Ochoa de Eribe, saihestu zitekeen heriotza
Asteartean hil zen Jose Angel Ochoa de Eribe, Gorbeialdeako euskal preso politikoa, gaixotasun larri baten ondorioz. 2015ean diagonostikatu zioten minbizia kartzelako osasun azterketa baten ostean. 2016an bete zituen bere zigorraren hiru laurdenak, espetxe zuzendaritzak ordea “Jose Angel espetxean mantentzea erabaki zuten, bere egoerak guztiz okerrera egin eta atzera bueltarik gabea bilakatu artean” azaldu du SAREk.
Iragan ekainean, Castelloneko espetxearen zuzendaritzak hirugarren gradua eman zion, espetxe legediaren 104.4 artikuluan oinarrituta, bere gaixotasun larria zela medio.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
