Dozenaka arrain hilda agertu dira Ebro ibaiaren ertzean, Mañuetan
Herriko bizilagunek Iberdrolak Ebro ibaiaren ertz batean zuhaitzak legez kanpo moztu zituela salatu zuten duela aste batzuk.
Joan den abuztuaren 22an, Mañuetako bizilagunek ohartarazi zuten Iberdrola Ebro ibaiaren ertzean 40 metroko makaldi bat mozteko lanetan ari zela eta legez kanpokoa izan zitekeela hori, Hegaztien Babes Bereziko Eremua baita espazioa. Goi tentsioko linea zabaltzeko egin zituzten lanak.
Ekologistak Martxan taldeak salaketa jarri zuen, Iberdrolak ez baitzuen zuhaitzak mozteko baimenik, inausteko baino (Trantsizio Ekologikoko Espainiako Ministerioak ingurumenaren inpaktuari buruzko txosnetean azaldu bezala).
Orain, Elkarrekin Podemosek salatu du makalak moztu zituzten eremutik gertu hilda agertu direla dozenaka arrain, uretatik kanpo. Oraindik ez da gertakarien arrazoia ezagutzen. Gainera, duela egun batzuk, ehundaka arrain hilik agertu ziren Zirauntza ibaian, Araian.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
