Gasteizko Etxebizitza Sindikatuak, 2021eko urtarrilean Herrandarren kalean etxegabetze bati aurre egiteagatik, Eusko Jaularitzak igorritako isunak jaso zituzten lehenik: 30.000 euro guztira. Orain, etxegabetze bera dela eta, Gasteizko Udalak 40.000€-ko isunak ordainarazi nahi dizkiela salatu dute, Mozal Legea aplikatuz eta Covid-19aren ondorioz ezarritako neurrien aitzakipean. Diru-bilketa kanpaina abiatu dute.

2020an egitekoak ziren azken Lasterbidean, euskal presoen eskubideen aldeko lasterketa, baina pandemiak atzeratzera behartu zituen. Kirolaren mundutik preso eta errefuxiatu politikoen alde egiten duen ekimena da.

Azaldu dutenez, Aguraingo osasun zentroko profesionalen kopurua “nabarmen” murriztu da eta, horren ondorioz, kendu egin da eskualdeko gainerako anbulatorioetan guardiako zerbitzua eta aste barruko arretari ere egun bat kendu diote.

ELA, CCOO, LAB, USO, ESK eta CGT sindikatuek grebara deitu dituzte Arabako metaleko langile guztiak hiru egunez: maiatzaren 18an, 24an eta 26an. Asteazken honetan izango da, beraz, lehen greba eguna. Lau urtez blokeatuta egon den hitzarmenaren negozioazioa bultzatzea dute helburu.

Arabako Bertsolari Txapelketako azken final laurdenean Unai Anda Ametzagako bertsoaria izan da txapeldun, 241,5 punturekin. Zehaztuta dago jada, beraz, finalerdietan izango diren bertsolarien zerrenda.