Hezkuntzan ematen den segregazioa salatu du Gasteizko Euskal Eskola Publikoaren Aldeko Plataformak parodia baten bitartez
Atzo, ekainaren 29an, Eusko Legebiltzarraren aurrean burututako elkarretaratze batean, PNVren, enpresarien eta elizaren arteko kolaborazioa eta hezkuntzan ematen den segregazioa salatu zuen plataformak, parodia baten bitartez.
Plataformako kide batek «segregazioaren kontrako borrokan, beste ikasturte bat galdu» dutela salatu zuen, sare publikoaren eta kontzertatuaren arteko aldea «gero eta nabarmenagoa» delako. Gainera, umeen sailkapena «familien maila sozioekonomikoaren, erlijioaren edo jatorriaren» arabera egiten dela azpimarratu zuen.
Azalpen horien bitartean, legebiltzarrean bilduta zeuden indarrek bilera amaitu eta kalera irten ziren, Hala Bediko erreportariaren galderei erantzuteko. Iñigo Urkulluk gure hezkuntza sistemaren osasuna «inoiz baino hobea» dela adierazi zuen; bestalde, poz-pozik agertu zen apaiza «ebangelizazioa aurrera doalako»; azkenik, enpresaria ere poz-pozik agertu zen, «Con esta unión no nos para ni Dios» adierazi zuelarik.
Bideoa gaztelaniazko azpitituloekin:
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
